Leave a comment

Clifton End ta honra baluartenan ku a impaktá su formashon musikal

Clifton training

Clifton End @Deya Mensche

WILLEMSTAD – Mester rekonosé e baluartenan ku a impaktá nos komunidat ku nan talento musikal ora nan ta na bida. Djabièrnè awó durante su konsierto, Clifton End no lo laga e oportunidat pasa pa honra e músiko i artistanan ku a kontribuí na su formashon. Di Harry Moen, dirigente di grupo Serenada, Claudius Philips ku su fushon di músika ‘soul’ i ritmo karibense, pa legendario Rei di Tumba, Anselmus ‘Boy’ Dap. Kada un tabatin un influensia riba Clifton, i a afirma ku fo’i un edat hóben, e tabatin un afinidat natural pa músika.

Claire i Harry moen

Harry i Claire Moen @Facebook Anthony Haile

Harry Moen – maestro di harmonisashon

Harry Moen konosé famia End pa hopi aña, paso Clifton i su ruman Adrian tabata haña les na kleuterschool serka su kasa, yùfrou Claire. Na edat di kuater aña, Harry a rekomendá Leendert, tata di Clifton, pa mandé les di músika serka Ramón Williams. “Semper m’a stima melodia, i mi por a toka kantika popular por oido”, Clifton ta kòrda. Harry tabata  impreshoná ku un mucha chikitu asina por a hasí esaki. Harry tabatin un kamber yen di instrumento na kas, i tin biaha nan tabatin mag di mishi ku nan. Komo dosente di músika na Peter Stuyvesant i Goslinga, hopi hóben a haña nan promé introdukshon na músika serka mener Moen.

harry toka

Harry Moen @Facebook

“Semper m’a keda fasiná ku Serenada su harmonia nan”, Clifton ta kompartí. Su kantika faborito di e grupo ta ‘Garoshi Palu Friu’. Segun Harry, e esensia di Serenada ta pa presenta i konmemorá músika kurasoleño tradishonal. Aktualmente, Serenada ta buskando un direktor general mas hóben, ya según Harry su propio atmishon, e ta birando grandi. Na 2015, Serenada a selebrá su 40 aniversario i a konmemorá esaki ku un dokumental. 

Claudius main

Claudius Philips @Facebook

Claudius Philips – pionero di Soul i músika karibense

E promé biaha ku Claudius Philips a tende di Clifton tabata durante añanan ’90. “Nan a bin bisa mi di un hóben ku ta kanta meskos ku mi. Ora m’a bai Kòrsou, mi a tende Clifton kanta ritmo kombiná ku un ‘vibe’ di R&B i esei a impreshoná mi”, Claudius ta kòrda. “Mi mes ta atmirá Clifton komo kantante, pues pa tend’e yama mi un baluarte ta un honor grandi”, Claudius a kompartí.

Clifton Claudius reinier

Clifton, Claudius & Reinier @Facebook

“Claudius ta un ‘trendsetter’ i hopi músiko, inkluso mi mes,  a tumá esaki komo ehèmpel. Ela kreá su propio ritmo”, Clifton a splika.  Claudius a lanta Oreo na aña 2001, pero e mes ta aktivo den músika fo’i aña ’80. “Mi ta bin fo’i e ambiente di misa, kual a duna mi un ‘soulful touch’ ku m’a purba introdusí den músika krioyo karibense”, Claudius a splika. Semper e kantante a purba kompositá kantika ku e públiko por identifiká ku n’e i ta apresiá di tende kon su músika a impaktá diferente generashon. E balada ‘Kuantu mi stima bo’ ta Clifton su kantika faborito, paso e ta stima kon Claudius a formula e palabra nan.

Anselmus boy Dap

Anselmus ‘Boy’ Dap credit: Skempi

Anselmus ‘Boy’ Dap – perfekshonismo di un leyenda

Komo hóben kantante militando den Gio, Clifton tabatin e oportunidat pa fungi komo korista pa e legendario Boy Dap, kende a gana Festival di Tumba dies biaha durante su ilustre karera di mas ku 30 aña. Respektivamente ‘Bashé’ na 1971, ‘Dal e Kos’ na 1973, ‘Mandé’ na 1974, ‘Sigui Awor’ na 1979, ‘Tur hende kompañ’é’ na 1981, ‘Un biaha más’ na 1983, ‘Despensa, e ta bini’ na 1985, ‘Waya pasa bai’ na 1989, ‘Emperador di tumba di Antia’ na 1989, ‘Bolt’é blachi’ na 1992 i finalmente ‘Klab’é’ na 1997. Según su yu hòmber Anralice, Boy nunka a haña su mes muchu bieu pa partisipá.

Anselmus boy dap waye

“Pero ora e kurpa no tabata duna más pa kaná den gran marcha, ela disidí di retira na aña ‘97”, ela splika. Según Clifton, Boy Dap no ta solamente un artista, pero tambe ta un leyenda. “E ta un artista hopi perfekshonista i ta bisa bo eksaktamente kon bo mester toka e kantika. Boy no ta duda pa bisa bo ku no t’asina e mester ta”, Clifton ta kòrda. Anralice ta konfirmá esei, “p’esei nos tabata hopi intimida pa sigui den su pasonan, paso e lata ta hopi haltu”. Asina mes Anralice i su ruman Oko a distinguí nan mes komo kompositor respeta di tumba.

Segun Anralice, Boy tin hopi apresio pa e kantantenan ‘oldschool’ manera Doble R, Mr. Saab, i defuntu Harry Zimmerman. Pero tambe Boy ta sigui esnan mas hóben manera Urvin Jano, Rubertico Balentien i naturalmente Clifton. “Boy ta apresiá ku un artista hóben di tanda manera Clifton ta konsideré komo un influensia musikal”, Anralice a konkluí.

Anselmus boy dap homenahe

Gregory Elias, Boy Dap, Chicu Capriles na ‘Ai no Chansa’ homenahe na Boy Dap Media credit: Farley Lourens

‘Clifton End & Friends: Pa Mi Pais’

Dia 27 di aprel próksimo, Clifton End lo tin un presentashon na Brakkeput Mei Mei titulá ‘Clifton End & Friends: Pa Mi Pais’ unda e lo kompartí tarima ku diferente kantante renombrá manera Tony Shearman, Jill Frans, Ephrem J, RayBass i Tahir. Karchinan pa ‘Clifton End & Friends’ ta na rason di 55 florin i ta disponibel na VV, Tik Tak, Bruna i Mensing’s Caminada. Pa mas informashon chéck e página di Facebook/BuzzBinProductions of mail na Media@buzzbinproductions.com

cliftonNDfriends_web

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: