Leave a comment

Kas den Mondi ta dominá den su promé luna: Videoclip di Rich Kalashh ft. Monifa Jansen ta sexy i real

Rich Truk

Rich Kalashh

WILLEMSTAD – Rich Kalashh ta keda un artista urbano ku ta pusha tur límite. E ta bolbe hasí esaki den e mas resiente track, ‘Kas den Mondi’ unda modelo Monifa Jansen ta figura komo e ‘ride or die chick’. Presensia di Monifa Jansen ta asentuá e videoclip na mil i un manera. E diva yu di Kòrsou, ademas di tabata Miss Kòrsou na 2012, ta un di e modelonan lokal ku ta gosando di un fan base impreshonante di mas ku 602,000 siguidó riba Instagram.

Monifa Gun

Monifa Jansen @MonifaJansen Facebook

Rich Kalashh ta mantené su posishon komo un di e rappernan mas kontroversial i ku un ángulo real di ‘kaya’.  Palabranan kla i sin sensura, Rich Kalashh ta kanta e sintimentu di e ‘hustler’, e lucha di kaya pa sobrebibí, fo’i traishon di amigu te su amor pa e peiki. Loke ta distinguí Rich Kalashh for di sobra ta su nivel di kurashi i su persistensia ora di konta su historia ‘real’ sin pretenshon. Ela demostrá esaki resientemente atrobe den e track  ‘Ku Mi Dios’ ku aktualmente ta na 607,545 views riba YouTube den ménos ku seis siman.

Kas den mondi

‘Kas den Mondi’ ta e produkshon mas nobo pa Rich Kalashh bou di e seyo di Decoded. “Mi ke un kas den mondi, leu for di tur hende… “ parti di e letranan ku ta bira gráfiko unabes Monifa Jansen agregá su sensualidat.  E piesa, produsí pa Pastor, por keda pidi na tur radio emisora lokal, i den menos ku un luna a haña 263,756 views kaba riba YouTube.

Rich Car

Por sigui Rich Kalashh riba Instagram i Snapchat, ademas por stream ‘Kas den Mondi’ riba iTunes, Spotify, Google Play i Apple Music. Bo por mira e videoclipnan di Rich Kalashh i tur artista di Decoded riba e kanal di YouTube @decodedofficial òf solisitá e track na bo radio preferí.

Music Video: ‘Kas den Mondi’ 

Decoded small

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: