Leave a comment

Clifton End ta presentá ‘CLIFTON END & FRIENDS: PA MI PAIS’ na Brakkeput Meimei.

Low resolution sharpened

Clifton End

WILLEMSTAD – Dia 27 di aprel próksimo, Clifton End ta na Kòrsou pa un presentashon na Brakkeput Mei Mei di su konsepto nobo, titulá ‘Clifton End & Friends: Pa Mi Pais’. Despues di e produkshon éksitoso titula ‘Mi Pais’, unda e kantante talentoso a duna un homenahe na su isla natal, Clifton ta regresa ku mas interpretashon koutivante. Den e mes un temporada, Clifton lo lansa dos albùm simultáneamente, e desishon mas ambisioso ku e kantante a yegá di realisá.

Na 2016, Clifton a firma ku e label Buzzbin Productions i a lansa su karera komo solista. Na òktober di e aña ei, ya e tabatin su promé hit di Kizomba na spañó, titula ‘Catch & Release’. Na yüli 2017, Clifton a bolbe skor otro hit den e mes un género, titulá ‘Give it All To You’. No por lubidá Clifton su hitnan di Ritmo Kombiná ku e banda popular Cache Royale, ‘It’s all about you’, ‘Gewoonweg’, ‘Ik neem je mee’, i ‘So So Lobie’.

‘Clifton End & Friends’ ta un produkshon di alta kalidat ku tabata un éksito rotundo na Hulanda. E promé presentashon a tumá lugá na sèptèmber 2017, kontinuá pa un edishon di San Valentín na febrüari ultimo. Akí, Clifton ta hinka su hitnan faborito den un bachi moderno i ta kolaborá ku diferente artista ku a influensia su ilustre karera. Durante ‘Clifton End & Friends: Pa Mi Pais’ lo duna homenahe na varios baluarte den nos komunidat manera Tony Sherman, kende tambe lo kanta algun kansion. Tambe e talentoso Jill Frans, Ephrem J, RayBass i Tahir lo presenta.

Tony Sherman

Tony Sherman

Albùm Nobo
Tambe Clifton ta preparando pa lansa dos albùm, e promé titula ‘Baluarte’, kual ta un homenahe na varios di grandinan musikal di Kòrsou ku a inspiré durante su karera. ‘Mi Pais’, ku a keda komponé pa e maestro Ced Ride, tabata e promé produkshon di e albùm akí. “Mi Pais’ ta un kantika serka di mi kurason, paso mi tabatin 12 aña so dia Ced Ride a komponé p’ami”, Clifton a splika. Despues di hopi aña, Clifton a disidí di hinka e komposishon den un bachi nobo, pa asina nos por para ketu na tur loke nos mester ta orguyoso di dje komo kurasoleño. E di dos albùm, ku ainda no tin título, lo ta un kombinashon di Kizomba, Afro-Beat i Reggaeton. Akí, Clifton a kolaborá ku varios artista di renombre manera PutoX di Fransia i tambe Efrem J.

EPHREM 10_ISZ

Efrem J.

Karchinan pa ‘Clifton End & Friends’ ta na rason di 55 florin i ta disponibel na VV, Tik Tak, Bruna i Mensing’s Caminada. Pa mas informashon chéck e página di Facebook/BuzzBinProductions of mail na Media@buzzbinproductions.com

Lesa artikulo di ‘Mi PAIS’ aki

Wak e klip di ‘Mi Pais’ aki 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: