Leave a comment

Tamara Nivillac, artista invitá na Universidat di Mannheim, Alemania

 

 

tamaranivillac1

Tamara Nivillac

WILLEMSTAD/ ROTTERDAM – Dia 4 di òktober ultimo, a tumá lugá un evenementu ofisial den ‘Arkadentheater’ na Universidat di Mannheim, Alemania. E anochi a keda organisá pa profesora Dr. Eva Eckkrammer, huntu ku studiantenan di Fakultat Lingwístiko ku a bishitá Kòrsou e aña akí. Invitado spesial di e anochi tabata e kantante kurasoleño Tamara Nivillac ku a duna un tremendo konsierto den su lenga materno Papiamentu.

Dr. Eva Eckkrammer ta profesora di Lingwístika i medionan di komunikashon na Universidat di Mannheim na Alemania. Den añanan ‘90 el a hasí un investigashon sientífiko na Kòrsou i Aruba i a doktorá na 1994 ku un tesis tokante e ròl di tradukshon literario pa lenganan minoritario, manera Papiamentu. Durante su estadia i investigashon na Kòrsou Dr. Eckkrammer a kreá un amor i konekshon inmenso pa ku nos idioma Papiamentu, nos kultura i pais.

TamaraNivillac_Mannheim_4

P’esei na òktober di aña 2016, ela invita señora Ingrid ‘Ini’ Statia for di Kòrsou pa bini Mannheim pa asina duna un kurso intensivo na su studiantenan dje fakultat ku tabata interesá pa siña e idioma Papiamentu. Un grupo di maso menos 25 studiante a sigui e kurso i denter di korto tempu a siña skirbi i papia Papiamentu. Na aprel di e aña akí, e studiantenan a bishitá Kòrsou durante un biahe di estudio, inisiativa di Prof. Dr. Eckkammer. Huntu ku señora Statia, Prof. Dr. Eckkammer a hinka un programa kultural intensivo den otro kaminda pa dos siman largu e studiantenan a atkerí hopi konosementu di arte, kultura i historia di nos pais.

TamaraNivillac_Mannheim_5

Nan a bishitá, entre otro, diferente museo, hardin di yerba di Dinah Veeris, galeria di Yubi Kirindongo i tambe nan hasí un bishitá na Parlamento di Kòrsou. Riba djárason 4 di òktober 2017, e studiantenan, bou di guia di nan profesora, a organisá un evenementu den ‘Arkadentheater’ na Universidat di Mannheim den forma di un eksposishon i presentashon kaminda nan a kompartí ku un públiko grandi tur loke nan a siña, mira i eksperensiá durante nan biahe pa Kòrsou. E klousura di e anochi tabata na enkargo di e kantante kurasoleño Tamara Nivillac akompañá riba guitara pa otro yu di tera, Stanley Clementina.

TamaraNivillac_Mannheim_1

E kansion ‘Hello’ di Adele, ku Tamara a tradusí na Papiamentu na 2016, tabata e promé kansion ku e studiantenan a skucha na Papiamentu i nan promé kontakto i impreshon di e idioma durante e kurso ku nan a sigui. P’esei tabata hopi spesial pa e studiantenan ku Tamara tabata tei presente i ku el a deleita nan ku entre otro su propio kansionnan na Papiamentu. Inolvidabel tabata e momentu final kaminda henter e sala a kanta na bos haltu e refran di e kansion klásiko i bunita na Papiamentu, ‘Atardí’.

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: