1 Comment

Stanley Clementina ta kolabora ku Dayo StreaNobo den T’ASINA TA BIBA.

Stanley & Dayo _t'asina ta biba

Stanley Clementina & Dayo StreaNobo

WILLEMSTAD – Stanley Clementina, e talentoso kompositor i kantante kurasoleño, a kolaborá ku kantante Dayo StreaNobo pa su di kuater single ‘T’asina ta Biba’ fo’i su EP nobo. E kantika ta mustra nos  bunita isla dor di wowonan di un bon Yu di Kòrsou. Stanley a aserka Dayo, e popular vokalista di reggae konosí pa su kansionnan positivo, pa kolaborá riba e interpretashon inspirashonal akí.

Stanley Dayo 4

‘T’asina ta Biba’ ta otro melodioso kolaborashon Afrobeat ku Stanley a ko-produsí ku e talentoso MB Ghettoflow. Sinta den studio di e produktor dominikano na Hulanda, Stanley i Dayo a komponé e mensahe akí pa enkurashá nos komunidat pa keda positivo apesar di tur sirkunstansia di bida. Según Stanley, tin tantu positivismo riba nos isla ku mester keda eksponé, i ora un persona ta eksperensia difikultat pa adapta na e vibrashonnan positivo di nos isla, e kantika akí ta un guía pa alegra su día. Banda di e impreshonante naturalesa i playanan ku lo figura den e video, e unidat i amor di nos pueblo ta para sentral, algu ku Stanley ta spera lo atrae más turista pa bishitá Kòrsou.

Stanley Dayo 2

Durante un bishitá kòrtiku na yüni último, Stanley a hasí varios presentashon i a probechá pa graba e clip di ‘T’asina ta Biba’ ku Dayo. E clip a keda dirigí pa Gilbert Silva da Costa i a keda graba na diferente lokalidat na riba nos isla.

Pa más informashon di Stanley su músika, ‘like’ su página di Instagram of sigui riba Facebook.com/StanleyAcoustic. Pa presentashon, por fabor mandá un mail na steezmusic@gmail.com of chéck www.stanleyclementina.com.

Tambe por chéck e video di T’ASINA TA BIBA  riba YouTube: https://www.youtube.com/watch?v=slD0oSj58A8&feature=youtu.be

Stanley Bridge

Advertisements

One comment on “Stanley Clementina ta kolabora ku Dayo StreaNobo den T’ASINA TA BIBA.

  1. […] Nan a bishitá, entre otro, diferente museo, hardin di yerba di Dinah Veeris, galeria di Yubi Kirindongo i tambe nan hasí un bishitá na Parlamento di Kòrsou. Riba djárason 4 di òktober 2017, e studiantenan, bou di guia di nan profesora, a organisá un evenementu den ‘Arkadentheater’ na Universidat di Mannheim den forma di un eksposishon i presentashon kaminda nan a kompartí ku un públiko grandi tur loke nan a siña, mira i eksperensiá durante nan biahe pa Kòrsou. E klousura di e anochi tabata na enkargo di e kantante kurasoleño Tamara Nivillac akompañá riba guitara pa otro yu di tera, Stanley Clementina. […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: