Leave a comment

MI KU BO: Kòrsou i Cabo Vèrdè a topa!

tamaradina3

WILLEMSTAD/ ROTTERDAM: Riba 2 di òktober ultimo a tuma lugá un konsierto kompletamente bendí na teater Islemunda na Rotterdam. E evenementu tabata den kuadro di e proyekto ‘Cura Meets Cabo’ ku ta un inisiativa di e kantante kurasoleño Tamara Nivillac. Den kolaborashon ku Strength By Unity Foundation i Levende Talen a organisá un atardí kultural kaminda Kòrsou i Cabo Vèrdè a topa pa asina saludá otro di un forma kordial i artístiko ku baile, deklamashon, músika i kanto. Lingüista Ramon Todd Dandaré, di Aruba, a habri e programa ku un presentashon tokante e similaridatnan entre e dos idiomanan. E kulminashon di e atardí tabata lansamentu ofisial di e kansion nobo titulá ‘Mi Ku Bo’.

‘Cura Meets Cabo’ ta un proyekto ku a wòrdu inisiá e aña akí. Na komienso di aña Tamara a hasí un cover di e kansion ‘Hello’ di Adele, tradusí na Papiamentu huntu ku produktor Stanley Clementina. E videoclip lansá entre otro via YouTube i Facebook, konsekuentemente a bai viral. Tamara a hala atenshon di entre otro FunX i RTL Boulevard aya na Hulanda, pero hopi pekuliar tabata e montón di reakshonnan ku a drenta for di Cabo Vèrdè.

tamara-hello

Tamara Nivilac – Hello  (Adele cover in papiamentu)

Caboverdianonan tabata fasiná pa e echo ku nan tabata komprondé un gran partí di e idioma i nan tabata kurioso pa sa ta di kua país e kantante ta desendiente i ta kua idioma e ta papia. E kuriosidat akí a inspirá Tamara di tal forma ku e mes a bai eksplorá pa asina haña sa mas tokante e lasonan evidente entre e dos paísnan. El a bin diskubrí e historia ku Kòrsou i Cabo Vèrdè tin komun i ku ta data for di temporada di sklabitut. Esklabonan for di Cabo Vèrdè ku tabata wòrdu transportá ku barkunan pa Kòrsou a yuda aportá na desaroyo i kreashon di nos idioma Papiamentu. Esaki ta algu hopi spesial i ta akí e proyekto ‘Cura Meets Cabo’ a mira lus.

This slideshow requires JavaScript.

E single nobo ‘Mi Ku Bo’ ta reflehá netamente e lasonan ariba menshoná. E kansion ta karga un mensahe di hermandat i di union. Nos no ta tan diferente i riba varios tereno nos ta hopi similar. Dor di sa nos historia i rekonosé e lasonan eksistente, nos por ta más habrí pa traha huntu i huntu nos ta más fuerte. E kansion ‘Mi Ku Bo’ ta un kolaborashon entre Tamara i e kantante femenino konosí di Cabo Vèrdè, Dina Medina. Produkshon i areglo tabata den man di Stanley Clementina ku alabes ta ko‐kompositor di e piesa huntu ku e dos kantantenan. Den e videoclip, ku por sierto ta hopi bunita, por mira obranan di arte di otro yu di tera ku ta saka kara den eksterior, artista Francis Sling. E piesa i videoclip ta optenibel na tur radio emisora, plantanan di televishon i riba medionan sosial. Yama pidi p’e libremente i ban sostené nos yunan di tera ku ta hasí promoshon pa nos isla ei‘fo.

Informashon adishonal:

Link videoclip Mi Ku Bo’

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: