Leave a comment

E DIA AKI, un tremendo kolaborashon di Stanley Clementina i Remses “Muis” Rafaela

Stanley & Muis duo

E talentoso kompositor i areglista Stanley Clementina, a uni forsa ku e konosido bailarin i ‘entertainer’ Remses ‘Muis’ Rafaela riba e romántiko balada E DIA AKI. Según Stanley, e kansion ta ilustra kon unidat ta engrándese amor ku mester keda kompartí i ku últimamente esaki ta konkista tur obstákulo den bida.  Den e interpretashon akí, ambos kabayero ta deklará kon nan no por sin e amor di nan bida.

Despues di hopi invershon den nan propio karera, Stanley i Muis tin hopi tempu ta  papia riba un posibel kolaborashon, pero skemanan drùk di ambos anteriormente a prevení esaki. Resientemente Stanley, kende ta dirigí un seshon musikal titula Parti di Kanto, a invita Muis pa subi esenario i improvisa espontáneamente ku e músikonan presente. E seshon tabata asina eksitoso ku e mes un anochi nan tur a drenta studio i a komponé un kansion. E resultado ta E DIA AKI, kual tabata asina bunita ku Stanley i Muis mester a publiká e kantika i traha un videoclip mes ora pa kompañ’é.

E dos yu di Kòrsou ta orguyoso di nan orígen krioyo ku nan a ekspresá esaki dor di interpretá e kantika akí na papiamentu.

Stanley & Muis Duo 2

E kolaborashon a bai asina fásil, ku den un wikent Stanley i Muis a skirbi e kansion, pa siguientemente Stanley a produsí i areglá e músika. E DIA AKI a keda di meks pa e konosido produktor Zúrich, konosí pa entre otro su trabou ku Broederliefde, i den un dia e video a keda graba i edita pa Railyson Martina i Muis.

Por chéck e video di E DIA AKI riba YouTube

Pa mas informashon di Stanley Clementina chéck www.stanleyclementina.com i pa Remses “Muis” Rafaela bai Facebook i gusta e página Remses Rafaela/Muisjemuis

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: