Leave a comment

Mística i Aya ta kla pa bina den!

Mistica Stefania singing 2

Mística Stefania, vokalista prinsipal di Zojojo i su grupo, indudablemente ta e reina di tambú. Tur aña di nobo nos ta antisipa e temporada di tambú, kual ta koré di november pa desember. Manera ta e tradishon kultural, diferente kantante di renombre ta trese nan observashon i komentario riba susesonan ku a domina nos komunidat durante di aña.

E temporada di tambú ku ta tras di lomba e trese basta kontraversia pa e kantante unda Pueblo Soberano a lansa un avalancha di kritika después di e publikashon di e tambú titula ‘Eh Eeee”.

Esaki tambe tabata e kaso ku ‘Eh Eeee’, komposita dor di e konosido kantante i kompositor Ike Jesurun, unda e sufrimentu di e pueblo ta keda ilustra i alabes ta ekspresa e desatisfakshon general ku polítika. Akí Mística ta yama afo e polítiko ku ta priminti sin kumplí, i ta menasa di los kacho riba nan si nan pasa den su hanchi. Según Mística ‘Eh Eeee’ no tabata manda pa niun partido spesifiko, i hamás e kantante por a imagin’e loke lo a pasa siguientemente.

Prensa a reporta ekstesivamente kon representantenan di partido Pueblo Soberano, durante nan enkuentro semanal na sede di e partido, a kritika e tambú i tambe Mística i su famia. “Nan insulta e kantante di e kantika i den e asalto verbal, i a brua ami ku mi yu muhe Aya kende ta kanta sinta, ku otro”, Mística a splika. No muchu después, un video a kumisa sirkula riba Facebook, unda por a mira i tende e representantenan di Pueblo Soberano hasi bofon di e kantante. “E atenshon ku e kontraversia akí a genera a yuda e kantika”, Mística a deklara. “Pero ainda mi ta warda un despensa di e personanan akí”.  Según Mística, su yu muhe, Aya, en partikularmente ta hopi malkontentu ku e situashon i a indiká ku e si ta preparando un kontesta.

Durante su preparashonan pa apertura di Festival di Tumba, unda Mística a presenta ‘Eh Eeee’, ela opta pa no entretene e kontraversia dor di responde durante e presentashon ei, pero pa laga e kantika papia pa su mes. Mística ta hopi honra pa por a habri festival di Tumba ku e kantika i a atmití ku e no por a warda pa mira e ekspreshon riba kara di su kritikonan, kende tabata presente. Según e kantante, nunka e of Zojojo i su Grupo tabatin un relashon of asosashon ku e partido.

E sostén di pueblo pa ku e kantika a asombra Mística, kende a realisa kon keri e ta den nos komunidat. Un kos sigur e kritika no a logra, ta di intimida Mística, “pero ta promé biaha ku algu asina a pasa”, ela splika. Den pasado Mística ta atmití di a kanta tambú ku tabatin un mensahe direkto, pero nunka ela menshona nomber i semper ta trata di keda más ambiguo posibel. “Ku eksepshon di mi kantika favorito i hit más grandi, ‘Yamami na mi nomber’, kual si tabata dirigí na un persona, mi ta evita di proboka hende públikamente”, ela splika.

Según informenan den prensa, e representantenan di Pueblo Soberano a priminti di kompone nan propio tambú, riba kua Mística i Zojojo i su Grupo a indiká ku nan ta wardando. Según Mística, Aya ta warda karnaval pasa pa bini ku su respuesta, pero “si nan bina den, Zojojo i su Grupo tambe tin kontesta pa nan, i ya ku awo por kanta tambú henter aña”, e kantante a finalisa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: